Quino
Imos traballar coa democracia. O que significa o Estado de dereito, a participación, os nosos dereitos constitucionais...
Neste curto de animación explícase en que consiste a democracia e como funciona.
1.- O estado de dereito.
Hai moitas formas de Estado: monarquías e repúblicas; democracias e ditaduras; imperios e gobernos aristocráticos...
En moitas sociedades, os gobernantes gozaron dun poder absoluto, o que lles permitía saltaren as leis cando o crían conveniente e abusar impunemente dos seus súbditos.
Co tempo, foise impondo a idea de que, por moi poderoso que sexa un gobernane, existen uns límites que ninguén debe traspasar:
- O primeiro é o que marcan as leis, ante as cales todos debemos ser tratados da mesma maneira, incluíndo os que están no goberno e exercen o poder. Así, nunha sociedade xusta e ben organizada respéctase o imperio da lei, porque as leis indícannos o que debemos facer, e estas son iguais para todos e todas.
Por que é importante? Porque somos cidadáns e non súbditos.
- O segundo é a existencia de certos dereitos fundamentais que o Estado debe respectar en calquera circunstancia. Para que eses dereitos se respecten é necesario que estean acollidos na lexislación e que ningún goberno pida actuar ignorándoos.
"Para que non se poida abusar do poder, é preciso que o poder deteña o poder" Montesquieu.
- Finalmente, é necesario que o poder estea dividido e repartido entre distintas persoas e institucións para evitar abusos e garantir que ninguén se aproveita do seu posto. Deste xeito establécese un equilibrio onde cada oder controla e vixía os demais, evitando que una persoa ou institución domine o resto e impoña os seus puntos de vista.
Fonte: Valores éticos 2. Vicens Vives.
1.- Para coñecer a separación de poderes que fixo Montesquieu tes que bucar información en internet e facer un resumo dos tres aspectos nos que divide o poder político.
2.- Busca as definicións das seguintes formas de Estado: monarquía, república, democracia, ditadura y oligarquía.
Feliz martes!
No hay comentarios:
Publicar un comentario