The Nightmare, John Henry Fuseli, 1781.
Seguimos co Neolítico.
O culto aos mortos segue sendo moi importante. Enterrábanse con ajuares e realizaban ritos relixiosos.
A pintura, a escultura e a cerámica alcanzaron un gran desenvolvemento. Estas artes contribuíron á aparición de monumentos megalíticos que tiñan unha gran función funeraria e relixiosa. Falamos dos dolmens/dólmenes, os menhires (como os que fabricaba Obélix), os cromlechs ou os sepulcros de galería.
Déixovos unha ligazón para que poidades localizar algunha mostra destes monumentos megalíticos na nosa terra.
Domen de Axeitos (Riveira)
De Arturo Nikolai - originally posted to Flickr as Dolmen de Ageitos, CC BY-SA 2.0, https://commons.wikimedia.org/w/index.php?curid=5021076
Menhir de Lapa de Gargantáns (Moraña)
De Lameiro - Trabajo propio, CC BY-SA 4.0, https://commons.wikimedia.org/w/index.php?curid=58496534
No Paleolítico as crenzas estaban relacionadas coa maxia e o totemismo e inspiradas na vida animal.
Con todo, no Neolítico preocúpanse pola inhumación dos corpos. Parece que xorde unha experiencia metafísica relacionada coa alma. Os ritos funerarios indican unha vida despois da morte e xorde a crenza dun "máis aló".
Por iso aparecen os ritos funerarios e o que se denomina "animismo" que sería unha crenza relixiosa orixinaria de moitas relixións históricas.
A inhumación dos corpos practicábase debaixo das casas e atopáronse tamén cemiterios.
Déixovos unha ligazón para realizar un repaso sobre o que vimos desta etapa.
Elixe a resposta correcta:
1. O Neolítico caracterízase por ter: a) Unha economía depredadora. b) Unha economía industrial. c) Unha economía produtora. 2. As actividades neolíticas inícianse aproximadamente: a) Hai 15.000 anos. b) O 15.000 a. C. c) O 8.000 a. C.
3. As vivendas neolíticas están feitas de:
a) Adobe e pedra.
b) Pedra e formigón.
c) Pedra e cemento.
4. As actividades agrícolas e pastoriles son iniciadas por:
a) O Homo neanderthalensis.
b) O Homo sapiens.
c) O Homo ergaster.
5. O Neolítico trae consigo cambios nas formas de vida dos seres humanos aparecendo:
a) O sedentarismo.
b) As actividades depredadoras.
c) A vida nómade.
6. A presenza do enxoval funerario nas sepulturas neolíticas fai pensar que:
a) As sociedades neolíticas eran cristiás.
b) As sociedades neolíticas crían nunha vida despois da morte.
c) As sociedades neolíticas practicaban o canibalismo ritual.
7. Os dolmens eran:
a) Templos de culto ao sol.
b) Tumbas individuais.
c) Enterramentos colectivos.
8. Os útiles de pedra do Neolítico son realizados:
a) Puíndo a materia prima.
b) De ningún xeito, porque xa non hai útiles de pedra.
c) Tallando toscamente a materia prima.
Aquí déixovos a Buster Keaton prehistórico. Espero que vos guste.
Feliz martes!
No hay comentarios:
Publicar un comentario