FP Básica - Semana 25-28 de maio.

Bos días!

Pablo Picasso - “Las bañistas“ (1918, óleo sobre tabla, 27 x 22 cm, Museo Picasso, París)

Benvidos e benvidas á axencia de viaxes Marcho que teño que marchar. Temos unha oferta de última hora: 

Coñece España a través dos seus monumentos. 

Plazo de entrega: Semana del 25 - 28 de mayo.

Precisamos información para poder completar o noso catálogo. Selecciona cinco comunidades autónomas españolas e busca información dun ou varios monumentos importantes.

Debedes indicar:

Nome da comunidade:

Provincias:

Capital:

Monumento ou monumentos máis importantes:

Breve descrición:

Fotografía:

Por exemplo:

Galicia

Posúe catro provincias: A Coruña, Lugo, Ourense e Pontevedra.

A súa capital é Santiago de Compostela.

O monumento que imos destacar é a catedral de Santiago de Compostela, situada na provincia de A Coruña. A tradición sinala que nesta catedral atópase o sepulcro do  apóstolo Santiago, o que a converteu nun destino de peregrinación europeo. Desde a Idade Media o camiño de Santiago foi un roteiro que comunicaba a península ibérica co resto do continente e potenciou o seu desenvolvemento cultural.

A súa historia comeza no ano 813, cando o ermitán Pelayo descobre a tumba de Santiago o Maior sobre o monte  Libredón.

É entón cando o rei de Asturias, Alfonso II, ordena a construción dunha capela no mesmo lugar onde foron atopados os restos do apóstolo.

A catedral comezou a construírse no ano 1075, impulsada polo bispo Diego Peláez. Dese período consérvase o Pórtico da Gloria de estilo  románico. Tamén  románica é a fachada das Praterías, a única deste estilo que se conserva na actualidade.

Co paso do tempo engadíronse novos elementos que lle achegaron grandiosidade á Catedral de Santiago de Compostela, é o caso por exemplo da fachada barroca da Praza do Obradoiro, construída para protexer o Pórtico da Gloria.

Non podemos deixar de nomear o Botafumeiro que é o enorme  incensario usado desde a Idade Media como instrumento de purificación dunha catedral na que se apiñaban as multitudes. 

Para poñelo en movemento necesítanse oito homes, chamados ‘ tiraboleiros’,que o bombean tirando con forza e precisión cando se acha no punto máis baixo do seu percorrido. Desta forma o Botafumeiro alcanza en só minuto e medio unha velocidade de 68 quilómetros. Son en total 17 ciclos de vaivén que deixan nos espectadores un recordo para toda a vida.

Feliz semana!