Bo día!
Autorretrato. Joaquín Sorolla. 1909.
A pintura é un medio de comunicación visual. Trátase dunha das actividades humanas máis antigas, xa que aparece antes que a escritura.
A arte pictórica tivo unha gran evolución e diferéncianse diferentes estilos e épocas como a pintura prehistórica, a pintura medieval, a renacentista e barroca, a pintura moderna e a pintura contemporánea.
Exercicio: Imos analizar catro pinturas. Buscaremos información dos seguintes cadros para redactar un texto descritivo de cada un deles.
1.- Observar e describir.
O primeiro que debemos facer é observar a pintura e describir a escena que estamos a presenciar. Axudarannos estas preguntas:
Que representa a obra?
Que elementos podemos ver? Animais, persoas, paisaxes…?
Que simboloxía teñen?
Quenes son os personaxes representados?
Como van vestidos e que atributos levan?
Existe un personaxe principal?
Estas cuestións poden ser fáciles de responder a primeira ollada pero hai moitos detalles que nos perdemos nun só visionado. Quizá non recoñeces ao personaxe ou personaxes do cadro pero soarache a época á que pertence o seu vestiario.
2.- Unha pintura, un tema.
Hai moitos temas: históricos, relixiosos, mitolóxicos, abstractos... Imos preguntarnos que tipo de tema crees que representa a obra.
3.- Composición.
Debemos analizar a disposición dos elementos da obra, a situación na escena (illados, en grupo...)
4.- A iluminación e as cores.
Na observación da obra pictórica debemos observar se hai un foco de luz que provoque contraste de luces e sombras (unha xanela, unha vela...)
Tamén pode ser unha iluminación uniforme cando a luz non resalta a obra.
Non podemos esquecernos das cores frecuentes: claros, suaves, escuros, brillantes, contrastados...
5.- Profundidade e volume.
As pinturas poden ofrecer sensación de profundidade cando aprecian paisaxes de fondo e as figuras e obxectos teñen volume. Noutras ocasións, poden ser pinturas planas, sen fondo e onde predomina o lineal con falta de volume como as obras do pintor francés Henri Matisse.
6.- Movemento.
Algunhas pinturas producen sensación de movemento, como as que vemos na obra de Van Gogh. Noutras ocasións, predomina un ambiente de quietude, con personaxes estáticos e liñas máis ríxidas.
7.- O autor e o seu contexto histórico.
Non debemos esquecernos do seu autor. Algunhas veces será fácil, pero en ocasións podemos atopar pinturas anónimas polo que deberemos situalas no seu contexto determinado.
8.- Interpretación histórica.
Por último, debemos engadir que moitas pinturas son reflexo dunha época e que os autores están inmersos nunha realidade histórica e social concreta da que non poden escapar.
Ao realizar un cadro, reflectir o contexto no que viven e as ideoloxías e crenzas dos seus contemporáneos.
Hai que determinar se estamos ante unha escena alegórica ou realista, é dicir, se foi realizada de forma obxectiva ou é unha imaxe idealizada.
Tamén podemos reflexionar sobre o valor dese cadro como rexistro dun acontecemento do que non temos outras fontes, a chamada “pintura histórica”, que sería un instrumento de coñecemento, sobre todo se entendemos que a fotografía xorde no século XIX.
Imos elixir as pinturas:
1.-
El Matrimonio Arnolfini,
Jan Van
Eyck.
2.-
Los Borrachos o
El triunfo de Baco,
Diego de Silva y Velázquez.
3.-
Guernica, Pablo Picasso.
4.-
Nighthawks,
Edward
Hopper.
5.-
La isla de los muertos,
Arnold
Böcklin.
6.-
Los amantes
, Magritte.
7.-
Ophelia,
John
Everett Millais.
8.-
El triunfo de la Muerte, Pieter Bruegel el viejo.
Prazo de entrega: Semana do 4 - 10 de maio.
Tedes que escoller catro das pinturas e buscar información seguindo as pautas que vimos anteriormente.
Boa semana!
