É a terceira gran etapa da prehistoria. Xorde contorna ao 4.000 a. C. Como o seu propio nome indica caracterízase pola utilización de novos materiais para a fabricación de ferramentas: os metais. Este descubrimento é fundamental para a evolución técnica e cultural.
Á súa vez, a Idade dos Metais divídese en tres etapas segundo o metal empregado en cada unha delas:
Idade de Cobre (4000 a. C.). Este metal foi o primeiro que empregaron pero os utensilios conseguidos eran fráxiles e pouco consistentes.
Idade de Bronce (3.000 a. C.). O bronce é unha aliaxe de cobre e estaño e permitiu a fabricación de armas e utensilios agrícolas como machadas, picos ou arados, que son moito máis resistentes.
Idade de Ferro (1.000 a. C.). Este mineral é moito máis abundante e resistente que os dous anteriores polo que supuxo un avance maior.
Como influíu o uso dos metais na economía e na sociedade?
Pois o avance foi importante debido a que pasan dunha sociedade centrada no poboado para crear as primeiras cidades.
- Creación de novos oficios. Se antes tiñamos agricultores e campesiños, agora temos mineiros que extraían o mineral, ferreiros que construían as armas e os utensilios, artesáns que adornaban os obxectos e os comerciantes, tan importantes, que intercambiaban os produtos e mantiñan relacións con outros pobos.
- Aparición de novos instrumentos para traballar o campo como o arado.
- A poboación estaba mellor alimentada. Isto supuxo un aumento substancial e os poboados convertéronse nas primeiras cidades.
- A acumulación de riqueza e poder fixo que os grandes propietarios convertéranse en gobernantes das cidades. O poder sempre supón un enfrontamento por manter o control. Para iso creáronse exércitos. Protexíanse dos ataques creando murallas ao redor das cidades.
E que pasa coa arte? Desde o punto de vista artístico, a arte megalítico iniciado a finais do Neolítico, continuou tamén na primeira etapa deste período. As construcións con grandes pedras foron utilizadas para marcar o territorio, como os menhires, que sinalaban lugares sacros, de culto ou enterramentos (dolmens/dólmenes, tumbas de corredor, crómlech...).
Elixe a resposta correcta:
1. Un medio para aproximarnos ao coñecemento das crenzas dos seres humanos é o estudo de:
a) Os restos cerámicos.
b) Os tipos de enterramentos.
c) Os tipos de vivendas.
2. Durante a Idade dos Metais as relacións comerciais:
a) Estaban baseadas nunha abundante circulación de moedas.
b) Baseábanse na práctica do trueque.
c) Víronse favorecidas pola aparición da letra de cambio.
3. O bronce é unha aliaxe de:
a) Cobre e zinc.
b) Cobre e aluminio.
c) Cobre e estaño.
4. A aparición dos metais trouxo consigo:
a) A invención da cerámica.
b) O nacemento de sociedades igualitarias.
c) O nacemento de sociedades guerreiras.
5. A aparición do ferro:
a) Produciuse inmediatamente despois da utilización do cobre.
b) Trouxo consigo a fabricación de numerosos útiles de traballo.
c) Só se destinou para a fabricación de armamento.
6. As sociedades da Idade dos Metais caracterízanse por:
a) A existencia de grandes diferenzas sociais.
b) A existencia dunha gran igualdade entre todos os seus membros.
c) Unha repartición do poder entre todos os individuos.
Aquí déixovos a Charlot prehistórico. Espero que vos guste.
Feliz mércores!
No hay comentarios:
Publicar un comentario