2ºESO B - Valores éticos - Martes, 9 de xuño de 2020.

Bos días!

Anónimo pompeyano - “Retrato de una joven” (siglo I d.C, pintura al fresco, 37 x 38 cm, Museo Arqueológico Nacional de Nápoles)

1.- Lee as seguintes definicións sobre a adolescencia realizadas por rapaces e rapazas coma ti:

a) É unha etapa na que queremos velo todo xa e descubrilo, porque nos damos conta de moitas cousas que antes non viamos.

b) Creo que un adolescente é un rapaz ou unha rapaza que necesita descubrir cousas novas e ter ao seu lado os amigos. E, a veces, tamén necesita estar só.

c) Un adolescente é unha persoa que está a descubrir a vida e ten bastante interese por vivila sen pensar en todos os perigos que pode haber.

d) Alguén con ganas de vivir, que comeza a entender o sentido da vida e a descubrir que existen máis cousas.

e) Somos persoas que estamos descubrindo a vida; por iso é normal que nos desbordemos; parece un tópico aquilo de que nos sentimos incomprendidos pero é que realmente é así.

f) Alguén que está cambiando diariamente e que está un pouco perdido sempre descubrindo cousas novas.

Agora contesta as preguntas seguintes:

- Relaciona cada unha das definicións anteriores con un dos seguintes conceptos:

curiosidade

incomprensión

vitalidade

risco

desorientación

intimidade

- Que teñen en común todas as definicións anteriores? Cal é a palabra clave que se repite?

- Partindo da túa experiencia persoal, redacta a túa propia definición sobre a adolescencia.

Boa semana!